مابين سقف الأحلام ، وأسفلت الحقيقة ؟

أنت بتقعد تحط لنفسك خطط وأحلام وتطير فى الهوا ، حتى السقف مابتخدش بالك منه أنت برنس وأنا معاك ، أنا شبهك أصلاً كده برضه ، طيب نيجى بقا للاسفلت

لو أحلامك دى أنت مش قدها وقد تنفيذها بلاش تحلمها علشان متتعبش ، لازم تعرف انك تستحق أحلامك دى لازم تعرف أن أحلامك فى أستطاعتها انها تاخد الاسفلت ده وتخلعه من سرعتها وقوتها ، حاول مرة واتنين وتلاتة ، حط خطط وأدرس طريقة وأتنين وتلاتة ، علشان لو منفعتش حاجة تنفع التانية ، أعمل حسابك ديماً ان الدنيا مش وردى ، وف نفس الوقت مش سودة ، ياما الناس اللى نجحت دى وتميزت كائنات فضائية جاية تذل أهلينا ، أسهل حاجة فى الدنيا دى اللطم ، وأسهل حاجة انك تطلع كل الحاجات الوحشة فى الاحوال والاوضاع اللى انت فيها ، دى اول خطوة فى السكة الطويلة أنك تعرف الغلط فين ، بس لو وقفت عند الخطوة دى يبقا انت معملتش أى حاجة الخطوة التانية هى الفارق ، انك تدور وتبحث عن حلول ، أنت تستحق أفضل وأحسن ، متظلمش نفسك