فى مواجهة عالم كامل يرتدى قناع الهبل
فى ديماً مجموعة بشر بيحاولوا يشغلوا دماغهم ويفكروا
هو أحنا ايه اللى وصلنا لكده
هل الأنسان بطبعه بيلجأ ديماً للقيام بدور الضحية
يعنى ليه كل حاجة بتحصل حولينا بنلبس فيها قوى الشر الخفية اللى متربصلنا ديماً
يعنى ليه بقا صعب إن الواحد يقول
هيه انت هيه انتى أنا اللى غلط
الفكرة مش فى كده الفكرة فى ان ردود افعال الناس بياخدوا فريقين
الفريق الأول وهو فريق المندباتيه
يقعد يندب عليك وعلى اللى عملته
الفريق الثانى وهو فريق الزمالك
وليه سميته كده لانه عامل زى نادى الزمالك .. لو المهاجم الكورة قلشت من رجله يقولك حارس المرمى عامل حجاب ع الجون
الفريق ده يقعد يقولك ولايهمك .. مش عيبك .. الغلط مش فيك
هو الزمن ، الحظ ، القدر ، الفلوس ، البتنجان المخلل ، الفول بالزيت الحار
وكأن العالم كله اتجمع علشان يفشل مخططاتك الجحيمية المهلبية علشان متوصلش للعالمية وتقهر قلوب العباقرة
ببساطة ليه الواحد مش بيواجه فشله وخوفه ؟
يعنى بدل مايندب او يجيب ندابه بالكهربا يقعد يحلل اللى حصله بالورقة والقلم تحليل منطقى ويشوف الغلط فين ويصلحه
بدل ما يقعد
يعض ف الارض ؟؟
No comments:
Post a Comment